Niðurstaða úr skuldabréfaútboði
15. mar 2018
Orkuveitan
Orkuveita Reykjavíkur lauk í dag, 15. mars 2018, útboði á nýjum skuldabréfum. Fossar Markaðir höfðu umsjón með útboðinu fyrir hönd OR.
Heildareftirspurn í útboðinu nam samtals 3.075 m. kr. að nafnverði.
Heildartilboð í flokkinn OR090546 voru samtals 1.720 m. kr. á bilinu 2,78% - 2,91%. Tilboðum að fjárhæð 820 m. kr. var tekið á ávöxtunarkröfunni 2,83%.
Heildartilboð í flokkinn OR090524 voru samtals 1.355 m. kr. á bilinu 2,64% - 2,75%. Tilboðum að fjárhæð 755 m. kr. var tekið á ávöxtunarkröfunni 2,70%.
Stefnt er að töku skuldabréfanna til viðskipta á Nasdaq Iceland þann 22. mars næstkomandi.
