Útboð á grænum skuldabréfum 31. október 2022
26. okt 2022
Orkuveitan
Orkuveita Reykjavíkur efnir til útboðs á skuldabréfum mánudaginn 31. október 2022. Boðnir verða til sölu grænu skuldabréfaflokkarnir OR020934 GB og OR161126 GB.
OR020934 GB ber fasta verðtryggða vexti og greiðir jafnar greiðslur á sex mánaða fresti með lokagjalddaga 2. september 2034. Áður hafa verið gefin út bréf að nafnverði kr. 9.415 milljónir í flokknum.
OR161126 GB er nýr óverðtryggður skuldabréfaflokkur með vaxtagreiðslufyrirkomulagi og ber 7,0% vexti sem greiðast fjórum sinnum á ári fram að lokagjalddaga þann 16. nóvember 2026.
Fossar fjárfestingarbanki hf. hefur umsjón með útgáfu og sölu skuldabréfanna sem og töku þeirra til viðskipta á markaði Nasdaq á Íslandi með sjálfbær skuldabréf.
