Við erum Orkuveitan
Orkuveitan er móðurfélag Veitna, Orku náttúrunnar, Ljósleiðarans og Carbfix. Við styðjum vaxandi samfélag, heimili og atvinnulíf með nýsköpun í orku, veitustarfsemi og kolefnisbindingu. Við erum aflvaki sjálfbærrar framtíðar.
Við leggjum áherslu á að starfsfólki líði vel og fái tækifæri til að vaxa, bæði í vinnu og einkalífi. Það er okkur því mikilvægt að skapa jákvætt og hvetjandi starfsumhverfi svo að starfsfólk Orkuveitunnar geti verið drifkraftur jákvæðra breytinga.
Við erum forystuafl fjölbreytileika og myndum teymi með ólíkan bakgrunn og hæfni.
Við sköpum aðstæður til að samræma kröfur vinnu og einkalífs.
Við erum kvik og lærdómsfús og óhrædd við að prófa nýja hluti.
Við sýnum frumkvæði, ábyrgð og forystu með forvitni og nýsköpun sem drifkraft.
Við sköpum vinnuumhverfi sem stuðlar að góðri heilsu og vellíðan.
- Frumkvæði endurspeglar skuldbindingu okkar til að knýja fram jákvæðar breytingar.
- Framsýni snýr einkum að hlutverki Orkuveitunnar þar sem veiturekstur er í eðli sínu viðfangsefni til afar langs tíma og þarfir íbúanna fyrir þjónustu veitufyrirtækja úreldast ekki.
- Hagsýni er boðorð hagkvæms reksturs frá degi til dags þannig að viðskiptavinir fái skilgreinda þjónustu á sanngjörnu verði.
- Heiðarleiki snýr að því hvernig starfsfólk kemur fram við viðskiptavini og hvert við annað, hvernig það starfar og tryggir gegnsæi í rekstrinum.
Hjá Orkuveitunni starfar árangursmiðuð liðsheild sem leggur áherslu á sjálfbærar lausnir fyrir viðskiptavini og samfélagið í heild. Hér starfar fjölbreyttur hópur einstaklinga sem vinnur saman að því að mæta áskorunum framtíðarinnar með nýsköpun í orku, veitustarfsemi, háhraðatengingum og kolefnisbindingu.
Orkuveitan er heilsueflandi vinnustaður sem hefur það markmið að skapa vinnuumhverfi sem stuðlar að góðri heilsu og vellíðan starfsfólks.
Líflegt kaffihús og mötneyti með hollum mat í hádeginu.
Hvíldarherbergi og fullbúinn líkamsræktarsalur til afnota fyrir starfsfólk.
Læst geymsla fyrir reiðhjól ásamt búningsklefa og þurrkherbergi.
Fjöldi hleðslustöðva til að hlaða bílinn á vinnutíma.
Hjá Orkuveitunni starfar fjölbreyttur hópur einstaklinga með ólíka menntun og bakgrunn. Við leggjum mikla áherslu á teymisvinnu og trúum því að besti árangurinn náist þegar einstaklingar með fjölbreyttan bakgrunn skapa sterka liðsheild sem vinnur að sameiginlegum markmiðum.
Við leitum að fólki sem deilir okkar sýn og vill taka þátt í að byggja upp samfélag framtíðarinnar. Ef þú vilt taka þátt í krefjandi og spennandi verkefnum þar sem frumkvæði og nýsköpun eru í fyrirrúmi, þá viljum við heyra frá þér.