Helstu stjórnendur

Forstjóri

Bjarni Bjarnason

Bjarni Bjarnason (mynd í fullri upplausn)

Bjarni Bjarnason forstjóri lauk B.Sc. prófi í jarðfræði frá Háskóla Íslands árið 1981. Þá tók hann licentiat-próf í námaverkfræði frá Tækniháskólanum í Luleå í Svíþjóð 1986. Bjarni tók við forstjórastarfinu 1. mars 2011. Hann hafði þá starfað sem forstjóri Landsvirkjunar Power, dótturfélags Landsvirkjunar, frá 2008 en áður var hann framkvæmdastjóri orkusviðs Landsvirkjunar um sjö ára skeið. Bjarni hefur sinnt ýmsum stjórnunarstörfum á ferli sínum, m.a. sem tæknistjóri Jarðborana hf., framkvæmdastjóri Kísiliðjunnar í Mývatnssveit og forstjóri Íslenska járnblendifélagsins á Grundartanga.

Framkvæmdastjórar í móðurfélagi

Mannauður og menning

Sólrún Kristjánsdóttir

Sólrún Kristjánsdóttir (mynd í fullri upplausn)

Sólrún Kristjánsdóttir, framkvæmdastýra Mannauðs og menningar hjá OR, lauk BA prófi í uppeldis- og menntunarfræði frá Háskóla Íslands 1998 og meistaraprófi í stjórnun og stefnumótun frá sama skóla árið 2004. Hún hóf störf hjá Starfsmannamálum OR árið 2004, hafði umsjón með starfsþróunarmálum frá árinu 2006 og mannauðsstjóri frá árinu 2012. Áður starfaði Sólrún við kennslu og sem ráðgjafi á Stuðlum, meðferðarheimili ríkisins fyrir unglinga.

Rannsóknir og nýsköpun

Hildigunnur Thorsteinsson

Hildigunnur Thorsteinsson (mynd í fullri upplausn)

Hildigunnur Thorsteinsson er framkvæmdastjóri Þróunar. Hún lauk prófi í iðnaðarverkfræði frá Háskóla Íslands árið 2005 og meistaraprófi frá MIT árið 2008 á sviði jarðvarma. Hún hefur unnið að jarðhitamálum allt frá 2005 og árið 2009 hóf hún störf hjá Department of Energy í Washington. Hildigunnur var teymisstjóri og hafði umsjón með tugum rannsóknarverkefna sem ýtt var úr vör með átaki Bandaríkjastjórnar á sviði grænnar orku. Hún gekk til liðs við OR árið 2013.

Fjármál

Ingvar Stefánsson

Ingvar Stefánsson (mynd í fullri upplausn)

Ingvar Stefánsson er framkvæmdastjóri Fjármála. Hann hefur viðskiptafræðipróf á endurskoðunarsviði auk meistaragráðu í fjármálum og stjórnun og hefur víðtæka stjórnunarreynslu úr atvinnulífinu. Hann var starfsmannastjóri hjá Esso í átta ár, forstöðumaður fyrirtækjasviðs Olíufélagsins í fjögur ár, framkvæmdastjóri dótturfyrirtækis Lyfja og heilsu í tvö ár, kennari við Háskólann á Bifröst í fjármálum, samningatækni, stjórnun og stefnumótun samhliða annarri vinnu og loks framkvæmdastjóri og forstöðumaður Íslandsbanka Fjármögnunar, um 40 manna einingar innan bankans, til ársins 2011 þegar Ingvar hóf störf hjá OR.

Þjónusta

Skúli Skúlason

Skúli Skúlason (mynd í fullri upplausn)

Skúli Skúlason er framkvæmdastjóri Þjónustu. Hann hefur viðskiptafræðipróf, meistaragráðu í stjórnun og stefnumótun og hefur víðtæka stjórnunarreynslu úr atvinnulífinu. Hann var deildarstjóri tómstundamála hjá Íþrótta- og tómstundaráði Reykjavíkur í 7 ár og síðar fjármálastjóri þess í 10 ár. Hann var ráðgjafi hjá Capacent ráðgjöf með áherslu á gerð viðskiptaáætlana, almenna rekstrarráðgjöf og áætlanagerð. Hann var stundakennari í rekstrargreiningu við Háskólann í Reykjavík auk þess sem hann kenndi ýmis námskeið við Opna háskólann og víðar á sviði áætlanagerðar, innkaupastjórnunar og hönnun ferla í rekstri.

Framkvæmdastjórar dótturfélaga

Veitur

Gestur Pétursson

Gestur Pétursson (mynd í fullri upplausn)

Gestur Pétursson er framkvæmdastjóri Veitna. Hann lauk meistaragráðu í iðnaðar- og rekstrarverkfræði með áherslu á orkumál og áhættustýringu frá Oklahoma State University í Bandaríkjunum árið 1998. Gestur var framkvæmdastjóri öryggis-, heilbrigðis- og umhverfismála hjá Elkem Ísland frá því í árslok 2010 og forstjóri fyrirtækisins síðustu liðlega fimm árin. Í störfum sínum fyrir Elkem Ísland vann hann að innleiðingu og samþættingu nýsköpunar í fyrirtækjamenningu félagsins til að takast á við þau tækifæri sem orkuskiptin í heiminum fela í sér, vöruþróun gagnvart viðskiptavinum og umbótum á kostnaðargrunni verksmiðjunnar á Grundartanga. 

Gagnaveita Reykjavíkur

Erling Freyr Guðmundsson

Erling Freyr Guðmundsson (mynd í fullri upplausn)

Erling Freyr Guðmundsson er framkvæmdastjóri Gagnaveitu Reykjavíkur ehf. Hann lagði fyrst stund á rafvirkjun og lauk MBA-prófi frá Háskólanum í Reykjavík 2009. Erling stofnaði Ljósvirkjann, þjónustufyrirtæki við fjarskiptafyrirtæki, árið 1996 og upp úr aldamótum stofnaði hann ásamt öðrum Industria, fyrirtæki sem sérhæfði sig í þjónustu við uppbyggingu ljósleiðarakerfa. Hann rak það fyrirtæki hér á landi frá 2003 og síðan á Bretlandseyjum frá ársbyrjun 2008. Árið 2013 tók Erling við framkvæmdastjórn fjarskipta- og tæknisviðs 365 miðla og starfaði frá miðju ári 2014 sem fjármálastjóri við endurskipulagningu á Hringrás og tengdum félögum. Hann hóf störf hjá OR í ársbyrjun 2015.

Orka náttúrunnar

Berglind Rán Ólafsdóttir

Berglind Rán Ólafsdóttir (mynd í fullri upplausn)

Berglind Rán Ólafsdóttir er framkvæmdastjóri Orku náttúrunnar ohf. Hún er sameindalíffræðingur með MBA próf frá IESE í Barcelona. Hún kom til starfa hjá Orku náttúrunnar árið 2017 og hafði þá meira en áratugareynslu af viðskiptaþróun meðal annars hjá Landsvirkjun, Medis og Íslenskri erfðagreiningu.

Carbfix

Edda Sif Pind Aradóttir

Edda Sif Pind Aradóttir (mynd í fullri upplausn)

Edda Sif Pind Aradóttir er framkvæmdastýra Carbfix og kolefnisfargari. Hún er efnaverkfræðingur og lauk doktorsnámi frá HÍ árið 2011. Edda starfaði áður sem forstöðumaður nýsköpunar og framtíðarsýnar á Rannsókna- og nýsköpunarsviði OR og var verkefnisstýra Carbfix loftslagsverkefnisins frá árinu 2011. Í störfum sínum fyrir OR leiddi Edda m.a. stefnumótandi verkefni hvað varðar sjálfbæra auðlindanýtingu til framtíðar auk þess sem hún stýrði stórum alþjóðlegum nýsköpunarverkefnum styrktum af rammaáætlun ESB um orku- og loftslagsmál. Edda hefur unnið ötullega að miðlun upplýsinga um kolefnisförgun sem mótvægisaðgerð við loftslagsvána, m.a. í mörgum útbreiddustu fjölmiðlum heims og á stefnumótandi viðburðum þjóðarleiðtoga. Edda hóf störf hjá OR árið 2003.

Stjórnhættir og stefna

Undir forstjóra OR heyra sex stjórnendur sérfræðisviða, sem starfa með öllum einingum samstæðunnar.

Stefna

Guðrún Erla Jónsdóttir

Guðrún Erla Jónsdóttir (mynd í fullri upplausn)

Guðrún Erla Jónsdóttir, stefnustjóri, lauk BSc. prófi í ferðamála- og viðskiptafræði frá Háskóla Íslands 2004 með viðkomu í San Diego State University. Hún stundaði framhaldsnám í Syddansk Universitet í Odense og lauk MSc. prófi í markaðsfræði og alþjóðaviðskiptum frá Háskóla Íslands 2006. Guðrún Erla starfaði sem skrifstofustjóri hjá Orkuveitu Húsavíkur til 2008 og síðan sem framkvæmdastjóri fyrirtækisins þar til hún gekk til liðs við OR árið 2015.

Samskipti og samfélag

Bryndis Isfold Hlodversdottir

Bryndís Ísfold Hlöðversdóttir (mynd í fullri upplausn)

Bryndís Ísfold Hlöðversdóttir stjórnandi Samskipta og samfélags er með BS gráðu í viðskiptafræði og BA gráðu í stjórnmálafræði frá Háskóla Íslands. Árið 2015 lauk hún mastersgráðu frá Fordham háskóla í New York borg í herferðastjórnun. Bryndís hefur starfað sem ráðgjafi og stjórnandi í Bandaríkjunum, í Evrópu og á Íslandi fyrir fyrirtæki, félagasamtök, opinbera aðila og stjórnmálaflokka, síðast sem ráðgjafi hjá Aton.JL. Samhliða störfum sínum hjá OR kennir hún nemendum í almanntengslum og miðlun við Háskólann á Bifröst þar sem hún er aðjúnkt.

Öryggi og heilsa

Reynir Guðjónsson

Reynir Guðjónsson (mynd í fullri upplausn)

Reynir Guðjónsson er öryggisstjóri OR. Hann hefur langa reynslu af starfi á því sviði. Hann vann hjá Slökkviliði höfuðborgarsvæðisins um árabil og var öryggisfulltrúi hjá RioTinto-Alcan og gæðastjóri þar. Hann vann einnig sem forvarnarfulltrúi hjá VÍS um tveggja ára skeið.

Umhverfi

Hólmfríður Sigurðardóttir

Hólmfríður Sigurðardóttir (mynd í fullri upplausn)

Hólmfríður Sigurðardóttir, umhverfisstjóri, er líffræðingur frá Háskóla Íslands 1983 með Meistarapróf í jarðvegslíffræði frá Árósaháskóla í Danmörku auk MBA gráðu frá Háskólanum í Reykjavík. Hólmfríður á langan feril að baki á sviði umhverfismála en hún starfaði m.a. á Skipulagsstofnun um 12 ára skeið, lengst af sem sviðsstjóri umhverfissviðs. Hún hóf störf hjá OR árið 2007.

Lögfræði

Elín Smáradóttir

Elín Smáradóttir (mynd í fullri upplausn)

Elín Smáradóttir, yfirlögfræðingur OR, útskrifaðist úr lagadeild Háskóla Íslands árið 1994 og hlaut héraðsdómslögmannsréttindi árið 1996. Hún starfaði hjá Skipulagsstofnun á árunum 1994-2003 og síðan hjá Orkustofnun til ársins 2008 þegar hún gekk til liðs við OR.

Verkefnastofa

Aðalheiður Sigurðardóttir

Aðalheiður Sigurðardóttir (mynd í fullri upplausn)

Aðalheiður Sigurðardóttir er forstöðumaður verkefnastofu hjá Orkuveitu Reykjavíkur. Hún er viðskiptafræðingur með meistarapróf í verkefnastjórnun (MPM) og frekara nám í þeim fræðum frá Stanford Center for Professional Development. Frá 2011 starfaði hún sem verkefnisstjóri hjá Össuri og leiddi alþjóðlega verkefnastofu Össurar frá árinu 2016. Þá hefur Aðalheiður sinnt stundakennslu í verkefnastjórnun á meistarastigi meðfram vinnu síðustu ár.