Útboði grænna skuldabréfa lokið
25. feb 2022
Orkuveitan
© Atli Már Hafsteinsson
Lokuðu útboði á grænum skuldabréfum Orkuveitu Reykjavíkur lauk í dag, 24. febrúar 2022. Gefin voru út skuldabréf í flokknum, OR180242 GB.
Flokkurinn er óverðtryggður með föstum vöxtum og jöfnum afborgunum tvisvar á ári fram að lokagjalddaga þann 18. febrúar 2042.
Heildartilboð í flokkinn voru samtals 3.560 m.kr., þar sem ávöxtunarkrafa var á bilinu 5,35% - 5,70%.
Tilboðum að fjárhæð 1.500 m.kr. var tekið á ávöxtunarkröfunni 5,39%. Stærð flokksins eftir stækkun verður 5.698m.kr.
Fossar markaðir hafa umsjón með útgáfu og sölu skuldabréfanna sem og töku þeirra til viðskipta á markaði Nasdaq á Íslandi með sjálfbær skuldabréf.
